Dekabrın 23-də Milli Televiziya və Radio Şurasının növbəti iclası keçirilib. Şuradan Modern.az saytına verilən məlumata görə, iclasda “ANS ÇM” radiosunun yayımı zamanı “Televiziya və radio yayımı haqqında” və “Reklam haqqında” qanunların tələblərinin pozulması ilə əlaqədar müxtəlif vaxtlarda “ANS Müstəqil Yayım və Media Şirkətinə” göndərilən ı inzibati protokollar üzrə inzibati Bundan əlavə, “ANS ÇM” radiosunun yayımı zamanı “Televiziya və radio yayımı haqqında” qanunun 35.4-cü maddəsinin və “Reklam haqqında” qanunun 20.4-cü maddəsinin tələblərinin pozulması ilə əlaqədar “ANS Müstəqil Yayım və Media Şirkəti” Milli Televiziya və Radio Şurasının qərarlarına əsasən ümumilikdə 161 min manat məbləğində cərimə edilib.
Şuranın iclasında “Space” televiziyasında yayımlanan “Sevimli şou” və “Məhəbbət əhvalatları” verilişləri müzakirə edilib, həmin verilişlərin Azərbaycan xalqının milli-mənəvi dəyərlərinə, efir mədəniyyətinə zidd olduğu xüsusi vurğulanıb. Bu cür verilişlərin tamaşaçıların haqlı narazılığına səbəb olduğu da qeyd edilib.
“Sevimli şou” və “Məhəbbət əhvalatları” verilişlərində teleradio fəaliyyətinin əsas prinsiplərinin, proqrama verilən tələblərin pozulduğu nəzərə alınaraq “Space” televiziyasına xəbərdarlıq elan edilib.
Gülşən RAUFQIZI
