Vətənim-mənim Azərbaycanım - FOTO | Modern.az

“Gənclərin Təşəbbüsünə və İnkişafına Dəstək” İctimai Birliyi, Azərbaycan Respublikası Prezidenti yanında Gənclər Fondunun  maliyyə  dəstəyi ilə  “Vətənim-mənim Azərbaycanım ” layihəsi ilə əlaqədar bir sıra tədbirlər keçirilib.

Modern.az xəbər verir tədbirlərdə  gənclərdə vətənpərvərlik və vətəndaşlıq hisslərinin gücləndirilməsi istiqamətində Azərbaycan Respublikasının dövlət rəmzlərinin təbliğinə xüsusi yer verilib. Dövlətin milli rəmzlərinin siyasi və mənəvi mənalarının dərk edilməsi vasitəsilə gənclərin bu sahədəki maariflənməsi imkanları müzakirə olunmuşdur. Ailə gənclərin mənəvi-əxlaqi tərbiyəsinin əsaslarının formalaşdığı vacib sosial institut olması vurğulanıb. 
Tədbirdə vətəndaşların, o cümlədən gənclərin qanunlar çərçivəsində dövlətin problemlərinə biganə qalmaması, ölkədə baş verən siyasi proseslərə maraq göstərməsi, dövlətçiliyə xələl gətirəcək proseslərə qarşı mübarizədə dövlət orqanlarına köməklik göstərməsi hazırkı dövrdə olduqca vacibliyi bir daha diqqətə çatdırılıb. 

Ölkə gənclərinin vətənpərvərlik, azərbaycançançılıq və dövlətçilik prinsipləri əsasında tarixi-mədəni irsimizə, milli-mənəvi və ümumbəşəri dəyərlərə hörmət ruhunda tərbiyə olunması, cəmiyyətin ictimai-siyasi, sosial-iqtisadi və mədəni həyatında onların intellektual və yaradıcı potensiallarının ümummilli məsələlərin həllinə yönəldilməsi müasir dövrün əsas tələblərindən biri olması gənclərin nəzərinə çatdırılıb. Natiqlər milli mənliyi olan şəxs milli həyatın heç bir hadisəsinə laqeyd qala bilməməsindən,  vətən, torpaq məhəbbəti, millətin və xalqın qayğıları onun şəxsi istək və arzularını üstələməsindən söz açılıb.   

Tədbirdə Azərbaycan Respublikası Prezidenti yanında Gənclər Fondunun nümayəndəsi , yerli dövlət qurumlarının nümayəndələri, vətəndaş cəmiyyəti nümayəndələri, media qurumlarının nümayəndələri və ekspertlər iştirak edib.

Modern.az