Xəzərin Türkmənistan sahillərində meyiti tapılan Sahib Şahmarov Qarabağ döyüşçüsü olub. Modern.az saytı xəbər verir ki, bu, 1973-cü il təvəllüdlü Şahmarov Sahib Güloğlan oğlu Qarabağ müharibəsi başlayanda könüllü cəbhəyə yollanıb. Ağdam, Şuşa, Laçın, Füzuli uğrunda gedən döyüşlərdə iştirak edib. Qızğın döyüşlərin birində güllə yarası alıb, ayağını dəlib keçən qəlpə dizində böyük deşik yaradıb. Buna bamayaraq, qısa müddətli müalicədən sonra yenidən ön cəbhəyə yollanıb. "Döyüşdə göstərdiyi şücaətə görə" müxtəlif mükafatlara layiq görülüb.
Qeyd edək ki, Sahib Şahmarovun 11 yaşlı Məhəmməd adlı oğlu və 10 yaşlı Məsumə adlı qızı var.
Allah rəhmət eləsin.
Modern.az
