Ailə, Qadın, Uşaq Problemləri üzrə Dövlət Komitəsi vəkil Adəm Məmmədovun hüquqlarını müdafiə etdiyi Eynar Kərimovun sədr Hicran Hüseynovanın adının qeyd olunduğu qəbzi ictimailəşdirməsinə münasibət bildirib.
Komitədən Modern.az saytına verilən açıqlamada deyiblər ki, həmin qəbz kağız parçasından başqa bir şey deyil.
“O qəbz deyil, ümumiyyətlə rəsmi sənəd də deyil. Onun notariusdan təsdiq olunması haqqında göstərici varmı? Yoxdur”.
Dövlət Komitəsindən araşdırmaların davam etdirildiyi qeyd edilib: “Hazırda araşdırma gedir, hər şey istintaqın sonunda müəyyənləşəcək. Kiminsə hansısa açıqlama verməsindən asılı olmayaraq yekun nəticəni gözləyirik”.
Gülşən RAUFQIZI
