Türkiyənin baş naziri Əhməd Davudoğlu Ankaradakı terroru PYD-nin (PKK-nın Suriya qanadı) silahlı qolu YPG ilə əlaqəsi olan Salih Neccarın törətdiyini bəyan edib. .
Modern.az saytı xarici KİV-ə istinadən xəbər verir ki, PYD-nin həmsədri Salih Muslim baş nazirin açıqlaması ilə bağlı çıxış edib.O deyib ki, təmsil etdiyi təşkilat terrorçu Salih Neccar adlı birini tanımır.
“Bu hadisənin PYD və YPG ilə uzaqdan-yaxından bir əlaqəsi yoxdur. Adı keçən insanı isə tanımırıq. Biz Türkiyənin heç bir işinə qarışmırıq”,-deyə o bildirib.
Qeyd edək ki, ötən gün Ankarada bomba yüklü avtomobilin partladılması nəticəsində 28 nəfər həlak olub.
Aqşin KƏRİMOV
