Dövlət Statistika Komitəsindən Modern.az saytına verilən məlumata görə hazırda Azərbaycanda 7 akademiya fəaliyyət göstərir. Bunlar Azərbaycan Dövlət Neft Akademiyası, Azərbaycan Rəssamlıq Akademiyası, Azərbaycan Dövlət Bədən Tərbiyəsi və İdman Akademiyası, Azərbaycan Dəniz Akademiyası, Azərbaycan Dövlət İdarəçilik Akademiyası, Bakı Musiqi Akademiyası və Milli Aviasiya Akademiyasıdır.

Universitetlərin sayına gəlincə, bildirilib ki, dövlət universitetləri bunlardır: Azərbaycan Dövlət İqtisad Universiteti, Azərbaycan Dövlət Pedoqoji Universiteti, Azərbaycan Tibb Universiteti, Azərbaycan Texniki Universiteti, Azərbaycan Memarlıq və İnşaat Universiteti, Azərbaycan Dillər Universiteti, Azərbaycan Dövlət Mədəniyyət və İncəsənət Universiteti, Azərbaycan Texnologiya Universiteti, Azərbaycan Dövlət Aqrar Universiteti, Bakı Dövlət Universiteti, Bakı Slavyan Universiteti, Naxçıvan Dövlət Universiteti, Gəncə Dövlət Universiteti, Sumqayıt Dövlət Universiteti, Lənkəran Dövlət Universiteti və M.V.Lomonosov adına Moskva Dövlət Universitetinin Bakı filialı.

İnstitutların sayı ilə bağlı qeyd edilib ki, ölkədə Azərbaycan Turizm İnstitutu, Azərbaycan Müəllimlər İnstitutu, Mingəçevir Politexnik İnstitutu, Azərbaycan Müəllimlər İnstitutunun Gəncə filialı, Mingəçevir filialı, Sumqayıt filialı, Ağcəbədi filialı, Cəlilabad filialı, Qazax filialı, Quba filialı, Salyan filialı, Şamaxı filialı, Şəki filialı, Zaqatala filialı, Naxçıvan Müəlllimlər İnstitutu fəaliyyət göstərir.
Ölkəmizdə bir konservatoriya - Azərbaycan Milli Konservatoriyası təhsil verir.

Statistika Komitəsi qeyri – dövlət ali təhsil müəssisələrinin də siyahısını açıqlayb. Belə ki, bizdə özəl ali təhsil müəssisələri kimi bir akademiya - Azərbaycan Əmək və Sosial Münasibətlər Akademiyası və 13 unuversitet fəaliyyət göstərir: Azərbaycan Kooperasiya Universiteti, Azərbaycan Universiteti, Azərbaycan İctimai-Siyasi Universiteti, Bakı Asiya Universiteti, Bakı Biznes Universiteti, Bakı Avrasiya Universiteti, Bakı Qızlar Universiteti, Bakı İslam Universiteti, Təfəkkür Universiteti, Xəzər Universiteti, Qafqaz Universiteti, Qərb Universiteti və “Odlar Yurdu” Universiteti.

Komitənin məlumatından belə məlum olur ki,  Azərbaycanda 7 dövlət, 1 qeyri-dövlət akademiyası, 16 dövlət, 14 qeyri-dövlət universiteti, 4 dövlət institutu və bir dövlət konservatoriyası fəaliyyət göstərir.

Modern.az