"Eurovision Mahnı Müsabiqəsi-2012" üçün Milli seçim turuna sənəd vermiş iştirakçıların ilkin dinləmələri başlayır. Bununla əlaqədar noyabrın 3,5,7-də sənədləri gəbul olunmuş 119 nəfər iştirakçı İctimai Televiziyada ilkin dinləmələrdən keçəcək.
İctimai Televiziyadan verilən məlumata görə, dinləmələr 3 qrupa bölünəcək. İlk qrup noyabrın 3-də çıxış edəcək. Çıxışlarda hər iştirakçı öz səs və səhnə imkanlarını hərtərəfli göstərə biləcək 2 mahnı ifa etməlidir.
Bu dinləmələrdən keçən şəxslər Milli seçim turunun əsas mərhələsinə qatılacaq və İctimai Televiziyanın canlı efirində yarışacaq.
Milli seçimin ötən ilki qayda ilə aparılacaq. Azərbaycanın “Eurovision-2012” təmsilçisi münsiflər heyəti və tamaşaçıların rəyi ilə seçiləcək.
Modern.az
