Fevralın 25-26-da ölkənin bir sıra bölgılərində XI və IX siniflər üzrə sınaq (yoxlama) imtahanları keçirilib. Modern.az saytının məlumatına görə, hava şəraiti ilə əlaqədar fevralın 4-5-də və fevralın 11-12-də təxirə salınmış imtahanlar nəhayət təşkil olunub. Şirvan şəhərində, Hacıqabul, Ağcabədi, Beyləqan, İmişli, Kürdəmir, Xocavənd rayonlarında, Saatlı, Sabirabad, Ucar, Zərdab, Laçın, Cəbrayıl, Ağsu və Göyçay rayonlarında imtahanlar keçirilib.
IX siniflərdə sınaq imtahanları Azərbaycan dili və riyaziyyat, XI siniflərdə Azərbaycan dili və ədəbiyyat, riyaziyyat, Azərbaycan tarixi, fizika, kimya, biologiya, coğrafiya və xarici dil fənlərindən keçirilir.
