“Müsavat Partiyasının səfər proqramının əsas mahiyyəti Lənkəran rayon təşkilatının 20 illik yubiley tədbirində iştirak etməkdir”. Bunu Modern.az saytına açıqlamasında Müsavat başqanının müavini Gülağa Aslanlı deyib. Onun sözlərinə görə, səfər zamanı Lənkəran ziyalıları, dindarları ilə görüş də planlaşdırılır.
“Əgər Lənkəran İcra Hakimiyyəti ağlını başına yığıb yer verəcəksə, həmin tədbir qapalı yerdə olacaq. Yenə deyirəm, bizim əsas məqsəd yubiley tədbirində olmaqdır. Qalan məsələlər isə hakimiyyətin münasibətindən asılıdır. Müsavat Partiyasının rəhbərləri də hər bir Azərbaycan Respublikasının vətəndaşı kimi, ölkənin istənilən nöqtəsinə, şəhərinə getmək hüququna malikdir. Bunun qarşısının alınmasına cəhd olunması isə qanunsuzdur. Səfər çərçivəsində həmin bölgənin ziyalıları, dindarları və İsa Qəmbəri ora dəvət edən adamlarla görüş gözlənilir. Bizim digər yerlərə də səfərimiz gözlənilir”.
