Mərkəzi Seçki Komissiyasının (MSK) növbəti iclası keçirilib. İclasda MSK 2010-cu il parlament seçkilərində səs verəcək seçicilərin sayını açıqlayıb.
Təqdim olunmuş siyahıya əsasən, ölkədə daimi yaşayan seçicilərin sayı 4 829 min təşkil edir. Bu barədə MSK katibi Natiq Məmmədov məlumat verib: "Seçicilər siyahısının tərtib edilməsi yüksək səviyyədə aparılıb. Seçkilərə qədər ölkədə müvəqqəti yaşayan vətəndaşların adları da əlavə olunacaq. Ölkə ərazisində baş verən təbii fəlakətlər siyahıların tərtib olunması prosesinə təsir göstərməyib".
