Builki çimərlik mövsümü ötən illərdəki ilə müqayisədə bədbəxt hadisələrin sayının çoxluğu ilə fərqlənir. Çimərlik mövsümü boyunca yüzlərlə insanın həyatını xilas etmək mümkün olsada, təssüf ki, suda boğulanların da sayı az deyil. Fövqəalə Hallar Nazirliyi Dövlət Sularda Xilasetmə Xidmətindən Modern.az-a verilən məlumata görə, dənizdə boğulma hallarının əksəriyyəti çimərlik üçün yararsız və qadağan olunmuş ərazilərdə baş verir.
Dövlət Sularda Xilasetmə Xidmətindən saytımıza bildirlib ki, bu il avqustun 3-dək olan müddətədək su hövzələrində xilas olunanların sayı umumilikdə 550 nəfərə çatıb. Onlardan 155 nəfəri nəzarət olunan çimərlik ərazilərində qalanı isə çimərlik üçün yararsız və çimmək üçün qadağan olunmuş sahilboyu ərazilərdə xilas edilib.
Su hövzələrində boğulma faktları isə 70 nəfəri ötüb. Bunlardan cəmi ikisi çimərlik ərazisində baş verib.
FHN Dövlət Sularda Xilasetmə Xidməti vətəndaşların diqqətinə çatdırıb ki, çimərlik üçün yararsız və qadağan olunmuş sahilboyu ərazilərdə çimmək qəti qadağandır.
Modern.az
