Azərbaycanda parlament seçkisinə rəsmi start verilib
Azərbaycan Respublikasının prezidenti İlham Əliyev Milli Məclisə seçkilərin təyin edilməsi haqqında sərəncam imzalayıb. Ölkə başçısı Azərbaycan Respublikası Konstitusiyasının 109-cu maddəsinin 1-ci bəndini rəhbər tutaraq qərara alıb:
"Azərbaycan Respublikasının Milli Məclisinə seçkilər 2010-cu il noyabrın 7-nə təyin edilsin".
Sentyabrın 4-dən isə Azərbaycanda Milli Məclisə keçiriləcək seçki marafonuna rəsmən start verilib. Mərkəzi Seçki Komissiyasının (MSK) mətbuat katibi Azər Sarıyevin bildirdiyinə görə, Prezident Milli Məclisə seçkilərin noyabrın 7-də keçirilməsi barədə sərəncam imzalayıb. Qanunvericiliyə görə, sərəncam dərc olunan gündən seçkilərə rəsmi start verilir.
Parlament seçkiləri majoritar sistem üzrə 125 seçki dairəsində keçiriləcək.
Modern.az
