AXCP-Müsavat seçki blokundan 79 saylı İmişli seçki dairəsi üzrə vahid namizəd olan İltizam Əkbərlinin namizədliyi qeydə alınmayıb. Bu barədə Modern.az –a 79 saylı DSK-dan məlumat verilib. Qurumdan bildiriblər ki, imza vərəqələrində çatışmamazlıqlar üzündən deputat marafondan kənarda qalıb.
Qeyd edək ki, İltizam Əkbərin dairəsində 14 nəfər imza vərəqləri götürüb. Bu günə qədər onlardan cəmi 4 nəfəri qeydə alınıb. Onların içində YAP-ın vahid namizədi, “KARAT-HOLDİNQ” MMC-nin direktoru Əsabil Qasımov da var.
İ.Əkbərli imza vərəqlərini oktyabrın 6-da DSK-ya qaytarıb.
İltizam Əkbərli 2005-ci ildə keçirilmiş seçkilərdə Müsavat partiyasının namizədi kimi mandat qazanıb.
