Qaz kəsiləndə abonentlərin sayğaclarının avtomatik koda düşməsi əhalidə ciddi narazılıq yaradırdı. Bunu nəzərə alan “Azəriqaz” İstehsalat Birliyi koda düşən qaz sayğaclarının açılmasını abonentlərə yönəldib. Modern.az saytının verdiyi məlumata görə, bundan sonra hər bir abonent koda düşən sayğacını öz smart kartı ilə aça biləcək.
Bunu necə etməli?
1. Smart kartınıza 1 manat pul yükləyirsiniz (Yüklədiyiniz xidmət haqqı deyil);
2. Sayğacın girişindəki krantı bağlayırsınız;
3. Kartı sayğaca daxil edirsiniz. Ekranda sol tərəfdə “9” və “-----“ xətt olanda barmağınızla “Göy” düyməni sıxırsınız. Sonra ekrana “OP190” yazısı gələndə, barmağınızı düymədən götürüsünüz. Geriyə say başlayıb bitəndə sayğacın girişindəki krantı açıb qazdan istifadə edirsiniz.
Birlik tərəfindən test sınaqları da keçirilib.
“Azəriqaz”dan yeniliyin tətbiq olunduğunu təsdiqləyiblər.
Gülşən RAUFQIZI
