Türkiyənin baş naziri Əhməd Davudoğlu parlament seçkilərində inamlı qələbə qazanan Ədalət və İnkişaf Partiyasının (AKP) geniş islahatlar paketinin olduğunu deyib.
Modern.az Türkiyə KİV-nə istinadən xəbər verir ki, ölkədə geniş məhkəmə, sosial və iqtisadi islahatlar gözlənilir:
“1 noyabr seçkilərindıən sonra biz Türkiyə qanunuverciliyinə dəyişikliyi nəzərdə tutmayan tədbirlər paketini özümüz üçün 3, 6 və 1 illik dövrlərə ayırdıq. Buraya minimal əmək haqlarının artırılması, polislərə, hərbçilərə və kiçik sahibkarlığa sosial dəstək paketləri daxildir. 6 aydan sonra isə uzun müddətli perspektivə yönələn islahatlar başlayacaq”.Əhməd Davudoğlu ölkənin hərbi qüvvələrinin İraq-Şam İslam Dövləti (İŞİD) qruplaşmasına və PKK-ya hücum əməliyyatlarını davam etdirəcəklərini deyib.
Türkiyədə noyabrın 1-də keçirilən parlament seçkilərində Əhməd Davudoğlunun rəhbərlik etdiyi AKP 49,5 faiz səs toplayaraq yenidən təkbaşına hökumət qurmaq şansı əldə edib.
Vüqar İsmaylıov
