Dənizdə itən balıqçının anası günlərdir göz yaşı tökür. Ailə günlərdir yata bilmir. Uşaqların gözü yolda qalıb. Modern.az saytı xəbər verir ki, Xəzər dənizinin Xaçmaz sahillərində dənizdə 3 balıqçının batmasından artıq 7 gün ötür. Onlardan birinin meyidi tapılsa da, digər 2 balıqçının axtarışları hələ də davam edir.
Region TV-nin (RTV) əməkdaşları dənizdə boğulan balıqçı Xaçmaz rayonunun Uzunoba kənd sakini İlqar Daşdəmirovun ailəsi ilə görüşüb, doğmalarının dərdinə şərik olub.
