Bu günlərdə “Elm və Təhsil “ nəşriyyatı tərəfindən tanınmış tədqiqatçı, publisist, filologiya üzrə elmlər doktoru Abid Tahirlinin həyat və fəaliyyətindən bəhs edən biblioqrafik göstərici buraxılıb.
Əsər Bakı Dövlət Universitetinin Kitabşünaslıq və Nəşriyyat işi kafedrasının 23 oktyabr 2015- ci il tarixli iclasının qərarı ilə nəşr olunub. Biblioqrafik göstəriciyə müəllifin 1979-2015-ci illərdə dərc olunmuş materiallar daxil edilib.Kitabın əvvəlində verilmiş məqalələrdə Abid Tahirlinin yaradıcılıq yolunun aydın mənzərəsi öz əksini tapıb.
Burada Elçin, Anar, İsa Həbibbəyli kimi ustad sənətkarlardan tutmuş gənc müəlliflərin yazdığı məqalələrə qədər bütün materiallar ardıcıl şəkildə bütövlükdə və ya ixtisarla verilib, həmin yazıların dərc olunduğu mənbələr göstərilib. Biblioqrafik göstəricidə Abid Tahirlinin indiyədək çap olunmuş kitabları, məqalələri, eləcə də onun haqqında yazmış müəlliflərin əsərləri təsvir olunmuş, müəlliflərin ad göstəricisi verilib.
Əsərin elmi redaktoru BDU-nun Kitabşünaslıq və Nəşriyyat işi kafedrasının müdiri, pedaqogika üzrə fəlsəfə doktoru, dosent Knyaz Aslan, tərtibçi filologiya üzrə fəlsəfə doktoru, dosent Rasim Süleymanovdur.
Modern.az
