Mustafa Dənizli rəsmən “Qalatasaray” futbol klubunun baş məşqçisi təyin edilib.
Modern.az Türkiyə mediasına istinadən xəbər verir ki, “Qalatasaray” bir neçə gün öncə istefaya göndərdiyi baş məşqçi Həmzə Həmzəoğlunun yerini uzun müddət boş saxlamaq istəməyib.
Bu səbəbdən də bu gün klub prezidenti Dursun Özbeklə görüşən tanınmış futbol mütəxəssisi Mustafa Dənizli üçüncü dəfə “Qalatasaray”a baş məşqçi gətirilib.
Klub prezidenti ilə məşqçinin görüşü baş tutsa da, bağlanacaq müqavilənin şərtləri hələ ki müəyyən edilməyib. Bəzi məlumatlara görə, müqavilə müddəti 1,5 il olacaq.
Elmin NURİ
