Bakı Dövlət Universitetində ümummilli lider Heydər Əliyevin anım günü ilə əlaqədar tədbir keçirilib. Tədbir ulu öndərin büstü önünə əklil qoyulduqdan sonra universitetin professor-müəllim heyəti və tələbələrinin iştirakı iə davam edib.
BDU –dan Modern.az-a verilən məlumata görə, tədbiri giriş sözü ilə rektor, akademik Abel Məhərrəmov açaraq ümummilli lider Heydər Əliyevin tarixi uzaqgörənliyə malik şəxsiyyət kimi müasir Azərbaycan dövlətinin qurulması istiqamətində atdığı addımlardan bəhs edib. Rektor ulu öndərin elm, təhsil, mədəniyyət sahələrinin inkişafına göstərdiyi əvəzolunmaz xidmətlərdən, bununla əlaqədar imzaladığı fərman və sərəncamlardan, rəhbərliyi ilə gerçəkləşən genişmiqyaslı quruculuq proqramlarından danışıb.
Sonra vitse-spiker, universitetin kafedra müdiri Ziyafət Əsgərov, Respublika Ağsaqqallar Şurasıının sədri, millət vəkili Fəttah Heydərov çıxış ediblər.
