Bakıda 17 yaşlı Esmira Əhmədova Səhiyyə Nazirliyinin Yasamal rayonu Zərdabi küçəsində yerləşən İctimai Səhiyyə və İslahatlar Mərkəzinin 9-cu mərtəbəsindən yük liftinin şaxtasına yıxılıb.
1 saylı Tibb Texnikumunun tələbəsi liftin 1-ci mərtəbəsində dayanan liftin damına düşüb. Esmira Əhmədova çoxsaylı sınıq xəsarətləri ilə ağır vəziyyətdə Kliniki Tibbi Mərkəzə yerləşdirilib.
Klinik Tibbi Mərkəzdən Modern.az saytına verilən məlumatda bildirilib ki, xəstə yenicə əməliyyatdan çıxıb:
“Hazırda narkozdan ayılmayıb. Vəziyyəti çox ağırdır, həyatı üçün təhlükə var”.
Gülşən RAUFQIZI
