Ləğv olunmuş Milli Təhlükəsizlik Nazirliyinin (MTN) Antiterror Mərkəzinin rəis müavini vəzifəsində çalışmış polkovnik İlqar Əliyev "Qurd qapısı" qəbiristanlığında dəfn edilib.
Modern.az saytı musavat.com-a istinadən xəbər verir ki, İ.Əliyev saat 13 radələrində torpağa tapşırılıb. Dəfn mərasimində mərhumun atası Mustafa Əliyev və yaxınları iştirak edib.
İ.Əliyevin dəfni zamanı çəkilişə icazə verilməyib. Qeyd edək ki, əvvəlcədən xəbər verilmişdi ki, İ.Əliyev doğulduğu rayona - Göyçaya aparılıb, orada dəfn ediləcək.
Xatırladaq ki, dekabrın 20-də saat 15:55 radələrində Cinayət Məcəlləsinin 302.2; 308.2 və 309.1-ci maddələri ilə təqsirləndirilən və barəsində həbs qətimkan tədbiri seçilmiş, Bakı istintaq təcridxanasının ikinəfərlik kamerasında saxlanılan Əliyev İlqar Mustafa oğlu intihar edib.
Modern.az
