İsveçin paytaxtı Stokholm şəhərində keçiriləcək “Avroviziya-2016” mahnı müsabiqəsində çıxış edəcək ölkələrin siyahısı və təqvimi dərc olunub.
Modern.az xarici KİV-ə istinadən xəbər verir ki, püşkatma nəticəsində müsabiqənin ilk yarımfinalının 10 may, ikinci yarımfinalının isə 12 mayda kçeirilməsi müəyyənləşib.
Birinci yarımfinalda – Xorvatiya, Finlandiya, Moldova, Ermənistan, Yunanıstan, Macarıstan, Rusiya, Hollandiya, San-Marino. Azərbaycan, Kipr, Malta, Bosniya və Hersoqovina, Estoniya, Çexiya, Qaradağ, İslandiya və Avstriya çıxış edəcək.
İkinci yarımfinala isə - Latviya, Belarus, İrlandiya, Serbiya, İsrail, Polşa, Litva, Avstriya, Makedoniya, İsveçrə, Albaniya, Bolqarıstan, Danimarka, Gürcüstan, Rumıniya, Sloveniya, Norveç, Ukrayna və Belçika qatılacaq.
14 mayda baş tutacaq final gecəsində isə “Böyük Beşlik” (Fransa, Böyük Britaniya, Almaniya, İspaniya və İtaliya) ölkələri və ev sahibi İsveç birbaşa çıxış edəcək.
Vüqar İsmayılov
