İranın Azərbaycandakı səfiri Möhsün Pakayin prezident İlham Əliyevin Tehran səfərini şərh edib.
Modern.az xəbər verir ki, keçirdiyi mətbuat konfransında bu barədə danışan səfir bildirib ki, Azərbaycan rəhbərinin İrana səfəri böyük hadisədir.
O, iki ölkə arasında imzalanan 11 sənədə diqqət çəkib və bunun Azərbaycanla İran arasında əlaqələrin inkişafına təkan verəcəyini deyib.
Səfir onu da qeyd edib ki, yaxın zamanlarda İran prezidenti Həsən Ruhani Azərbaycana səfər edə bilər.
Modern.az
