"Space TV" Audioviziual Şuranın xəbərdarlığını nəzərə alacaq.
Modern.az-ın məlumatına görə, bu barədə kanalda verilən məlumatda deyilir.
Bildirilib ki, Tarix Əliyevin aparıcısı olduğu "Tarixin bir günü" verilişi fəaliyyətini davam etdirəcək, lakin oxşar halların baş verməməsi üçün xəbərdarlıq nəzərə alınacaq.
Bir neçə gün əvvəl "Space TV"nin efirində meyxanaçı Rəşad Dağlının (Əmirov) ad günü qeyd edilib.
Televiziya kanalında ağır cinayətə görə həbs edilən meyxanaçının ad günün qeyd edilməsi görüntüləri sosial mediada birmənalı qarşılanmayıb. Qeyd edək ki, veriliş Tarix Əliyevin aparıcılığı ilə baş tutub.
Audioviziual Şuranınaidiyyatı struktur bölmələri tərəfindən araşdırma aparılıb. Araşdırmanın nəticələrinə uyğun olaraq qanunvercilik çərçivəsində “Space TV” televiziya kanalına rəsmi məktubla xəbərdarlıq edilib.
