Ehtiyatda olan polkovnik Rüstəm Mürsəlov dünyasını dəyişib.

 

Modern.az xəbər verir ki, Azərbaycan Silahlı Qüvvələrinin ehtiyatda olan polkovniki, Sabiq Maliyyə Xidmətinin rəisi, Qarabağ və Əfqanıstan müharibələrinin veteranı Rüstəm Mürsəlov bu gün vəfat edib.

Məlumat üçün bildirək ki, Rüstəm Mürsəlov 1 iyul 1956-cı ildə Xaçmaz rayonunun Balaqusarqışlaq kəndində anadan olub. 1973-cü ildə orta məktəbi bitirdikdən sonra Rusiya Federasiyası Müdafiə Nazirliyinin Hərbi Universitetinin Maliyyə və İqtisadiyyat fakültəsinə daxil olub. Daha sonra 1976-1980-ci illərdə Yaroslavl Ali Hərbi Maliyyə Məktəbində təhsil almış və zabit kimi SSRİ Silahlı Qüvvələrində xidmət etməyə başlayıb.

Polkovnik Rüstəm Mürsəlov 1992-2005-ci illərdə Azərbaycan Respublikasi Müdafiə Nazirliyinin maliyyə strukturlarında müxtəlif rəhbər vəzifələrində çalışmış, o cümlədən şöbə rəisi, baş mühasib, qarnizonun maliyyə xidmətinin rəisi, maliyyə xidmət rəisinin müavini, maliyyə xidmət rəisi, maliyyə kafedrasının rəisi və inspektor kimi önəmli postlarda faəliyyət göstərib. 

Xidməti dövründə bir çox orden, medallarla təltif olunub.

Allah rəhmət eləsin