“Azərbaycan və İranı ortaq mənəvi dəyərlər birləşdirir”.
Modern.az xəbər verir ki, bunu İran İslam İnqilabının 39-cu ildönümü münasibətilə Bakıda keçirilən tədbirdə çıxış edən iqtisadiyyat naziri Şahin Mustafayev bildirib.
Şahin Mustafayev vurğulayıb ki, iki qonşu ölkə arasında əlaqələr ən yüksək səviyyəyə qalxıb: “Son 4 ildə investisiya, ticarət sahəsində inkişaf əldə olunub. 2017 -ci ildə ticarət dövriyyəsi 30 faiz artıb.
Dünən Astara-Astara dəmiryolu xətti üzrə ilk sınaq yük qatarı İrana yola salınıb. İranda yük terminalının tikintisinə başlanılıb. Azərbaycan İran Rəşt-Astara dəmiryolu layihəsinin maliyyələşdirilməsi üzrə danışıqlar aparılır.
Bundan başqa, ölkələrimiz arasında humanitar, təhsil, mədəniyyət sahələrində də inkişaf davam edir".
