Rusiya rəsmisi Fransa nümayəndə heyəti ilə Moskvada keçirilən danışıqlar zamanı sərt ifadələr işlədib.
Modern.az xəbər verir ki, bu barədə “Financial Times” qəzeti yazıb.
Məlumata görə, 2026-cı il fevralın 3-də Fransa Prezidenti Emmanuel Makronun diplomatik müşaviri Emmanuel Bonn və Avropa məsələləri üzrə müşaviri Bertran Buhvalter Moskvaya səfər edərək Avropa ölkələrinin sülh prosesində iştirak imkanlarını müzakirə ediblər.
Nəşrin yazdığına görə, Rusiya tərəfi bu təklifi rədd edib və danışıqlar zamanı Kremlin köməkçisi Yuri Uşakov söhbəti kəsərək ingilis dilində söyüb.
Qeyd olunur ki, həmin ifadə Kremlin rəsmi mövqeyi kimi təqdim edilmir. Bu sözlər danışıqlarda iştirak edən Avropa diplomatlarının “Financial Times”a verdiyi məlumatlara əsasən sitat kimi yayımlanıb.
