Britaniya Çaqos adalarını Mavrikiyə təhvil vermək planından imtina edib.
Modern.az xarici KİV-ə istinadən xəbər verir ki, Böyük Britaniya strateji Britaniya-Amerika hərbi bazası olan Dieqo Qarsiyanın yerləşdiyi Çaqos adalarını qaytarmaq planından imtina edib.
Qərar ABŞ prezidenti Donald Trampın tənqidindən sonra verilib.
Britaniya hökumətinin sözçüsü bildirib ki, London əvvəlcə müqaviləni ABŞ-ın dəstəyi ilə şərtləndirib və Vaşinqtonun razılığı olmadan irəliləməyə hazır deyil.
Tramp əvvəllər təşəbbüsü kəskin tənqid etmiş və onu "böyük axmaqlıq" adlandırmışdı.
Hind okeanı arxipelaqının Mavrikiyə təhvil verilməsi ilə bağlı qanun layihəsi Britaniya Parlamenti tərəfindən nəzərdən keçirilirdi, lakin onun taleyi indi şübhə altındadır.
Çaqos adaları Böyük Britaniya və ABŞ tərəfindən istifadə edilən əsas hərbi baza olan Dieqo Qarsiyanın yerləşməsinə görə strateji əhəmiyyət kəsb edir.
