Azərbaycan Ordusunun hərbi qulluqçusu - gizir Namin Ruslan oğlu Məmmədov intihar edib.
Modern.az xəbər verir ki, bu barədə məlumat Nazirliyindən bildirilib.
Qeyd edilib ki, hadisə oktyabrın 14-də baş verib. Gizir Namin Məmmədov məzuniyyətdə olarkən yaşadığı ünvanda intihar edib.
Faktla bağlı cinayət işi açılıb, araşdırma aparılır.
Qeyd edək ki, gizir Namin Məmmədovun İkinci Qarabağ Müharibəsinin iştirakçısı olduğu və “Suqovuşanın azad olunmasına görə” medalı ilə təltif edildiyi bildirilir.
