"Həyata keçirilən operativ tədbirlər nəticəsində uşağın valideynləri müəyyən edilərək onlarla əlaqə saxlanılıb".
Modern.az xəbər verir ki, bu barədə DİN-in Mətbuat xidmətinin rəhbəri Elşad Hacıyev məlumat yayıb.
"Azyaşlının atası ekoloji nəzarət postuna dəvət olunub", məlumatda deyilir.
***
Yol Polisi Xidmətinin əməkdaşları kənar dairəvi yolda, hərəkətin intensiv olduğu istiqamətdə yolu təhlükəli yerdə keçən Fərid adlı azyaşlı uşaq aşkarlayıblar.
Modern.az xəbər verir ki, yolunu azan Fəridin 8 yaşı var. O, polisin suallarını cavablandırarkən anasından küsdüyünü, daha sonra isə yolunu azdığını deyib.
Polis uşağı tanıyan şəxslərdən xahiş edir ki, onun ailə üzvlərinin tapılmasına köməklik göstərsinlər.
Qeyd edək ki, 8 yaşlı Fərid hazırda uşaq ekoloji nəzarət postundadır, onunla polis əməkdaşları məşğul olur.
