Azərbaycanın milli komandasının və “Neftçi”nin sabiq furbolçusu Kamal Quliyevin səhhətində ciddi problemlər yaranıb.
Modern.az xəbər verir ki, o, bununla bağlı sosial şəbəkədə videomüraciət yayaraq AFFA-dan və futbol ictimaiyyətindən maddi dəstək istəyib.
K.Quliyev bir neçə gün əvvəl verdiyi müsahibədə 40 min manata ehtiyacı olduğunu və qaraciyərinin dəyişdirilə biləcəyini deyib.
K.Quliyev 1999-2005-ci illərdə Azərbaycan milli komandasında oynayıb. Hazırda 49 yaşı olan veteran futbolçu 2011-2014-cü illərdə “Neftçi”də məşqçi, 2014-2016-cı illərdə “Neftçala” komandasında baş məşqçi işləyib.
Onun hazırda işsiz olduğu bildirilir.
