Qurban bayramında əhalinin rahat və sanitar-gigienik normalara uyğun şəraitdə heyvan kəsimini təmin etmək üçün yerlərdə müvəqqəti kəsim məntəqələri yaradılır.
Bu barədə Qida Təhlükəsizliyi Agentliyinin (AQTA) mətbuat xidmətinin rəhbəri Mansur Piriyev Modern.az saytına məlumat verib:
“Qurban bayramında əhalinin rahat və sanitar-gigienik normalara uyğun şəraitdə heyvan kəsimini həyata keçirməsi və qurbanlıq ət almalarını təmin etmək üçün standartlara cavab verən mövcud heyvan kəsimi məntəqələri ilə yanaşı, yerli icra hakimiyyətləri tərəfindən təşkil olunan müvəqqəti kəsim məntəqələri də fəaliyyət göstərəcək.
Bayram günlərində heyvan kəsimi fəaliyyəti ilə məşğul olmaq istəyən şəxslər əvvəlcədən yerli icra hakimiyyəti orqanlarına müraciət edə bilər”.
