Bakı şəhərinin Xətai rayonunda ümumi sahəsi 100 m² olan ikimərtəbəli evin mətbəxində tavan 6 m² sahədə yanıb. Yüksək temperaturdan plastikdən ibarət qapı və 3 ədəd məişət avadanlığı əriyib.
Modern.az Fövqəladə Hallar Nazirliyinin (FHN) saytına istinadla xəbər verir ki, evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
FHN-nin yaydığı digər məlumata görə, Bakı şəhərinin Xəzər rayonunda ümumi sahəsi 15 m² olan köməkçi tikilinin yanar konstruksiyaları yanıb. Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.
T.İSMAYIL
