Ağcabədidə ağır yol qəzası baş verib.
Modern.az xəbər verir ki, qəza Ağcabədi şəhər ərazisində baş verib.
Hərəkətdə olan “VAZ 2106” markalı avtomobil qarşıdan gələn “Opel” markalı avtomobillə toqquşub.
Daha sonra “VAZ” yol kənarında dayanan “Mercedes”ə çırpılıb.
“VAZ”ın sürücüsü hadisə yerində ölüb.
“Opel” markalı avtomobilin sürücüsü Saməddin adlı şəxs isə Ağcabədi Rayon Mərkəzi Xəstəxanasına çatdırılıb.
Faktla bağlı araşdırma aparılır.
