Fransa Birləşmiş Ərəb Əmirliklərinə "Rafale" qırıcı təyyarələrini yerləşdirib.
Modern.az xəbər verir ki, bu barədə xarici işlər naziri Jan-Noel Barrot bildirib.
"Onlar (BƏƏ-red) bizim bazalarımız üzərində hava məkanı təhlükəsizliyi əməliyyatları həyata keçiriblər",- deyə nazir qeyd edib.
Barrot təyyarələrin hansı missiyaları yerinə yetirdiyi və ya bazaları təhdid edə biləcək hər hansı dron və ya raketin vurulmasında iştirak edib-etmədiyi barədə ətraflı məlumat verməyib.
Fransa ABŞ-İsrail hücumunu tənqid edib və əməliyyatlarla bağlı prezident Emmanuel Makronun mövqeyini açıqlayıb. Nazirin sözlərinə görə, prezident Makron əməliyyatların beynəlxalq hüquqa zidd şəkildə həyata keçirildiyini düşünür.
