Azərbaycanda tanınmış hakim, Məhkəmə Hüquq Şurasının keçmiş üzvü Mansur İbayev dünyasını dəyişib.
Modern.az xəbər verir ki, o, uzunsürən xəstəlikdən sonra ötən gün vəfat edib.
Bir çox səs-küylü məhkəmələrə hakimlik edən M.İbayev 1964-cü ildən məhkəmə orqanlarında işləməyə başlayıb.
Qubadlı, Ağdaş, Göyçay rayonlarında məhkəmə sədri, 1976-cı ildən 2000-ci ilə qədər Ali Məhkəmənin üzvü, 2000-ci ildən 2012-ci ilə kimi Ağır Cinayətlərə dair İşlər üzrə Məhkəmənin hakimi, eyni zamanda Məhkəmə Hüquq Şurasının və Mərkəzi Seçki Komissiyasının üzvü vəzifələrində işləyib.
2006-cı ildə isə “Şöhrət” ordeni ilə təltif edilib.