Rusiya Federasiyası Tatarıstan Respublikasının Prezidenti Rüstəm Minnixanovun noyabrın sonunda Azərbaycana səfəri planlaşdırılır.
Modern.az bildirir ki, Tatarıstanın Azərbaycandakı daimi nümayəndəliyindən verilən məlumata görə, Minnixanovun başçılıq etdiyi işgüzar nümayəndə heyəti noyabrın 26-dan 30-dək Bakıda səfərdə olacaq.
Səfər zamanı iqtisadi əməkdaşlığın genişləndirilməsi imkanları müzakirə ediləcək. Bundan başqa, birgə biznes forumun keçirilməsi də nəzərdə tutulub.
