“CNN Arabia” telekanalı Azərbaycanın Qəbələ rayonunun Nic kəndi haqqında reportaj hazırlayıb.
Modern.az xəbər verir ki, reportajda Nicdə yaşayan udinlərin adət-ənənələri, multikultural ölkə olan Azərbaycanın xristian vətəndaşlarının dini ayinləri, Qafqaz Albaniyası dövründən qalan abidələr barədə ətraflı məlumat verilib.
Jurnalist qeyd edib ki, udinlər III-VIII əsrlərdə bu ərazilərdə məskunlaşıb və həmin dövrdən öz unikal dini, dili və məişətini qoruyub saxlayıblar.
Bu gün dünyanın müxtəlif ölkələrinə səpələnmiş 10 minə yaxın udinin 4 mini bu kənddə yaşayır. Nicdə qədim irs abidəsi olan 3 kilsə və sakinlərin qonaqpərvərliyi turistləri xüsusi cəlb edir.
