İndoneziya prezidenti Coko Vidodo G20-yə sədrliyin İndoneziyadan Hindistana təhvil verilməsi mərasimində deyib ki, “Böyük iyirmilik” fevral ayından bəri ilk birgə bəyannamə qəbul edib.
Modern.az xarici KİV-ə istinadən xəbər verir ki, ənənəvi mərasim bu gün Balidə baş tutan G20 sammitinin bağlanış tədbiri kimi keçirilib.
İndoneziya prezidenti deyib: “G20 fevral ayından bəri ilk dəfə birgə bəyannaməni razılaşdırıb qəbul etməyə nail olub”.
2022-ci ildə keçirilən G20 tədbirlərinin əksəriyyəti, o cümlədən nazirlər səviyyəsində və ondan yuxarı səviyyələrdə keçirilən tədbirlər, bir sıra G20-yə üzv ölkələrin Rusiya əleyhinə bəyanatlar vermək cəhdləri nəticəsində konsensusun əldə edilməsinin mümkünsüzlüyü səbəbindən birgə sənədlərin qəbulu olmadan başa çatıb.
