Ermənistanın Baş naziri Nikol Paşinyanla Gürcüstan hökumət rəhbəri İrakli Qaribaşvili arasında telefon danışığı olub.
Modern.az “Sputnik Armenia”ya istinadən xəbər verir ki, tərəflər bir sıra məsələləri müzakirə ediblər.
Danışıqlar zamanı 2023-cü ilin əvvəlində Ermənistan-Gürcüstan Hökumətlərarası Komissiyanın iclasının keçirilməsi razılaşdırılıb.
Bundan başqa, tərəflər Cənubi Qafqazdakı situasiyanın yaxşılaşması və bu istiqamətdə müvafiq addımların atılmasına dair fikir mübadiləsi aparıblar.
