Paytaxtın Xaqani küçəsi ilə Puşkin küçəsinin kəsişməsində nəqliyyat vasitələrinin hərəkətinə məhdudiyyət qoyulub.
Bakı Nəqliyyat Agentliyindən (BNA) Modern.az-a verilən məlumata görə, məhdudiyyətin tətbiq olunması ərazidə aparılan təmir işləri ilə əlaqədardır.
Bu səbəbdən həmin ərazidən keçən 1, 2, 4, 46 nömrəli müntəzəm və H1 ekspres marşrut xətləri üzrə avtobusların hərəkət sxemi müvəqqəti olaraq dəyişdirilib. Avtobuslar Üzeyir Hacıbəyov küçəsi istiqamətində alternativ yollarla hərəkət edirlər.
