Türkiyə prezidenti Rəcəb Tayyib Ərdoğanla İsrailin Likud partiyasının lideri, baş nazirliyə potensial namizəd Benyamin Netanyahu arasında telefon danışığı olub.
Modern.az xarici KİV-ə istinadən xəbər verir ki, telefon söhbətinin detalları hələlik məlum deyil.
Qeyd edək ki, noyabrın 1-də İsraildə Knessetə (parlament) növbədənkənar seçkilər keçirilib. Seçkidə Netanyahunun partiyası qalib gəlib. İsrail prezidenti İshaq Hersoq hökuməti formalaşdırmaq üçün ona mandat verib. Koalisiya hökumətinin qurulması istiqamətində danışıqlar davam edir.
