Oktyabr 7-dən 8-nə keçən axşam Hacıqabul rayonu ərazisinə yenidən güclü leysan yağışları yağıb. Rayon İcra Hakimiyyətinin məlumatına görə, yağışlardan sonra 1000-dən artıq evi su basıb. Hazırda rayonda vəziyyət nisbətən sabitləşib, Fövqəladə Hallar Nazirliyinin Hacıqabul və Şirvan dövlət yanğından mühafizə hissələrinin intensiv işi hesabına artıq su içərisində olan evlərin sayı 200-ə enib və bu istiqamətdə işlər davam etdirilir.
Leysan yağışları sentyabrın sonlarında da Hacıqabula ciddi ziyan vurmuş, yüzlələ evi su basmışdı.
