Bu gecə Rusiya Kiyevə raket hücumlarını davam etdirib.
Modern.az xəbər verir ki, son 1 ayda Kiyevə edilən 18-ci hücum nəticəsində ölən və yaralananların olduğu bildirilir.
Hərbi Administrasiyanın bəyanatında deyilir ki, paytaxtın şərq kənarındakı Desnyanski rayonu, mərkəzə daha yaxın olan Dniprovkski rayonuna hücum olunub.
Kiyev rəsmiləri ikisi uşaq olmaqla 3 nəfərin həlak olduğunu, 14 nəfərin yaralandığını açıqlayıb. Şəhərin meri Vitali Kliçko 9 nəfərin xəstəxanada müalicəyə ehtiyacı olduğunu bildirib.
Ukraynanın şərqində və Kiyevdə hava hücumu xəbərdarlığı təxminən bir saat ərzində qüvvədə olub.
