Rusiyada daxili bazarda yaşanan yanacaq böhranı pik həddə çatıb.
Modern.az xəbər verir ki, Novorossiysk şəhərində yanacaq qıtlığından cana doyan sakinlər yanacaq daşıyan maşının (benzinvoz) yolunu kəsərək, yerindəcə benzin tələb ediblər.
Sosial şəbəkələrdə yayılan görüntülərdə yanacaqdoldurma məntəqələrində (YDM) növbə üstündə vətəndaşlar arasında əlbəyaxa davaların düşdüyü əks olunub. Vəziyyət o dərəcəyə çatıb ki, yanacaq almaq istəyənlər YDM-lərin qarşısında çadırlar quraraq gecələməyə başlayıblar. Yerli sakinlər yaranan mənzərəni “benzin düşərgəsi” adlandırırlar.
Mütəxəssislər neft ölkəsində yaranan bu böhranı hərbi logistika və neft emalı zavodlarındakı fasilələrlə əlaqələndirirlər.
