Venesuelanın Valensiya şəhərində yerləşən Arturo Miçelena Beynəlxalq Hava Limanının perronuna ildırım düşməsi nəticəsində azı doqquz nəfər xəsarət alıb.
Modern.az xəbər verir ki, bu barədə "El Impulso" qəzeti məlumat yayıb.
Məlumata görə, ildırım hava limanının perronuna düşüb. Hadisə nəticəsində azı doqquz nəfər xəsarət alıb.
Xəsarət alanlar arasında Venesuela Milli Qvardiyasının dörd hərbçisi, eləcə də hava limanının bir neçə əməkdaşı var.
Yaralılara tibbi yardım göstərildikdən sonra hava limanı fəaliyyətini adi rejimdə bərpa edib.
