İranın ali lideri Müctəba Xamenei Livandakı “Hizbullah” hərəkatının baş katibi Şeyx Naim Qasım və livanlı müqavimət döyüşçülərinin göndərdiyi sədaqət məktubuna rəsmi cavab verib.
Modern.az İran KİV-nə istinadən xəbər verir ki, Xamenei “Hizbullah”ın komandirləri və döyüşçülərinin qətiyyətini yüksək qiymətləndirib.
“Hizbullah”ın Müctəba Xameneiyə sadiqliyini təsdiqləyən beyət məktubuna cavab olaraq, ali rəhbər hərəkatı İsrailin "vəhşi təcavüzünə" qarşı "sarsılmaz qaya kimi" dayandıqlarına görə alqışlayıb.
O, vurğulayıb ki, İranın mərhum ali lideri Ayətullah Seyid Əli Xameneinin müəyyən etdiyi siyasətə uyğun olaraq, İslam Respublikası Livanın "məzlum, lakin güclü mücahidlərinin" müdafiəsini özünün strateji mandatı hesab edir.
