Tunis hakimiyyəti iyunun 26-da turistlər üçün nəzərdə tutulan oteldə baş verən gülləbarandan sonra zorakılığa təhrik səbəbindən 80 məscidi bağlamağa hazırlaşır. Modern.az xarici KİV-ə istinadən bildirir ki, bu haqda ölkənin baş naziri Habib Essid məlumat verib.
Onun sözlərinə görə, bağlanılacaq məscidlər dövlətin nəzarətindən kənarda olanlardır.
İyunun 26-da tunisli tələbənin əcnəbi turistlərin istirahət etdiyi otelin ərazisinə daxil olub avtomatdan atəş açması nəticəsində 39 nəfər qətlə yetirilib, onlarla adam yaralanıb.
Modern.az
