ABŞ Prezidenti Donald Tramp Vaşinqtonun oktyabrın 25-də İrana hərbi zərbə endirməyi planlaşdırmadığını açıqlayıb.
Modern.az xəbər verir ki, Associated Press agentliyinin məlumatına görə, Tramp jurnalistlərin mümkün hərbi əməliyyatlarla bağlı suallarını cavablandırarkən həmin gün hücum olmayacağını bildirib.
Bununla yanaşı, İran Xarici İşlər Nazirliyinin sözçüsü İsmayıl Bəqayi Tehranla Vaşinqton arasında vasitəçilər üzərindən mesaj mübadiləsinin davam etdiyini deyib.
Onun sözlərinə görə, İran diplomatik həll imkanlarını tamamilə istisna etmir. Lakin ABŞ-nin irəli sürdüyü şərtlər danışıqların bərpasını çətinləşdirir.
İran ətrafında hərbi-siyasi gərginlik ABŞ və İsraildə keçiriləcək seçkilər fonunda beynəlxalq gündəmin əsas mövzularından biri olaraq qalır.
