Sumqayıt şəhərində ümumi sahəsi 50 m² olan kürsülü, birmərtəbəli 2 otaqlı evin bir otağının döşəməsi 0,5 m² sahədə və dam örtüyünün taxta atmaları 10 m² sahədə yanıb, yüksək temperaturdan mətbəx mebeli qismən qarsalanıb.
Modern.az xəbər verir ki, bu barədə Fövqəladə hallar Nazirliyi(FHN) məlumat yayıb.
Bildirilir ki, yanğın yerinin kəşfiyyatı zamanı 1 nəfərin yanmış meyiti aşkar edilərək aidiyyəti üzrə təhvil verilib.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
